The Little Things (2021) චිත්‍රපටයේ මිනී මැරුම විසදමුද?

2021 වර්ෂයේ, Warner Bros ආයතනයෙන් නිකුත් කළ The Little things චිත්‍රපටයට ඉතා ඉහළ ප්‍රේක්ෂක ප්‍රසාදයක් ලැබුණා. ඒත් මේක බලපු අය ගොඩක් අය මේ චිත්‍රපටය ගැන හොද අදහස්ම තමයි දක්වන්නෙ. මේ කතාවෙ වෙන්නෙ ඉතින් අපරාධ, ඒ කියන්නෙ ඝාතනයකට අදාළ මිනීමැරුම හොයා ගන්න පොලිස් නිලධාරීන් දෙදෙනෙක් එකතු වෙලා තමන්ගෙ පවුලත් දෙවෙනි තැනට දාල මේ ඝාතනයට ලක් වූවන්ට සාධාරණයක් කරන්න උත්සාහ කරන ආකාරය. ඉතින් මේ චිත්‍රපටය බලපු හැමෝටම තිබ්බ පොඩි ප්‍රශ්න වගයකට උත්තර දෙන්නයි මම යන්නෙ. ඇත්තම කිව්වොත් අපි මේ දැන් හදන්නෙ මිනී මැරුමක් විසදන්න. 😁

ඉතින් මේ චිත්‍රපටය තාම බලල නැත්තම් මේ වැඩේ කරන්න කලින් චිත්‍රපටය බලල එන්න කියල තමා කියන්න තියෙන්නෙ. 😀

Spoiler Alert!

හරි එහෙනම් අපි වැඩේ පටන් ගමු.
මම නීතිඥයෙක්. ඉතින් ඔයාල අද දවසෙ උසාවියෙ ඉන්න විනිශ්චය සභාව. ඉතින් අද අපිට දෙන්න තියෙන්නෙ ජෝ ඩීකන් සහ ජිමී බැක්ස්ටර් එකතු වෙලා කටයුතු කරපු මිනී මැරුම් ප්‍රශ්නයක් ගැන අන්තිම තීරණේ. ඒත් පොඩි ප්‍රශ්නෙකට තියෙන්නෙ මේ ප්‍රශ්නෙදි අපිට හිටපු ප්‍රධාන සැකකාරය මිය ගිහින් ඉන්නෙ. එහෙම උනේ කොහොමද කියල ඔයාල දන්නව ඇතිනෙ. මතක නැත්තම් බැක්ස්ටර් අතින්ම තමා මේ ඇල්බර්ට් ස්පාර්මා නමැති සැකකාරය මිය ගියේ. ඒත් අද වෙනකන් අපිට මේ මිනී මැරුම් කලේ ඔහුමද කියල අපිට ඔප්පු කරගන්න බැරි වෙල තියෙනව. ඉතින් අද දවසෙ ඔයාලගෙ තීරණේ මත අපිට පුලුවන් ස්පාර්මා ව වැරදි කාරයා කරන්න, නැත්තම් නිකරුණේ අහිංසක මිනිහෙක් ඝාතනය කළා කියල බැක්ස්ටර්ව වැරදිකාරය කරන්න.තීරණය තියෙන්නෙ ඔයාලගෙ අතේ.

අපි එහෙනම් පටන් ගමු.

මුලින්ම මං ඔයාලට ස්පාර්මා වැරදිකාරයෙක් කියල සැක කරන්න හේතු කිහිපයක් වෙන වෙනම පෙන්නල දෙන්නම්.

01.ස්පාර්මාගෙ රස්සාව.

ස්පාර්මාගේ රස්සාව ගැන කියන්න කලින් මං අපේ මුල්ම මියගිය කෙනාගෙන් පටන් ගන්නම්කො. මුලින්ම මිය ගිය ගැහැණු කෙනා ඉන්නෙ නිවාස සංකීර්ණයක. මේ ගැහැණු කෙනා ඉදපු ගෙදර ශීතකරණය කැඩිල. ඒ හින්ද මේ ගැහැණු කෙනා මේ උපකරණ අලුත්වැඩියා කරන වැඩපළකට මේ ගැන දැනුම් දීල තියෙනව. එතකොට ඒ ආයතනයෙන් කෙනෙක් ඇවිත් මේ ශීතකරණය හදල තියෙනව. ඒත් හොදම වැඩේ තමයි ගෙදර හිටපු ගැහැණු කෙනත් මැරිල ඒ මදිවට ශීතකරණයත් හදල නෑ. අන්තිමට බලාගෙන යනකොට මේ ආයතනයෙ කවුද වැඩ කරල තියෙන්නෙ,…..

02.මියගිය කෙනාගෙ ගෙදර තිබ්බ කිරි පැකට් එක.

අපි දන්න දේ තමයි මේ ගෙදර ශීතකරණය කැඩිල තියෙන්නෙ.ඒත් පොලිසියෙන් ගිහින් මේ ගෙදර පරීක්ෂා කරද්දි කුණු වෙච්ච එලවළු ගොඩක් එක්ක විවෘත කරපු කිරි පැකට් එකක් හම්බෙනව. ඒත් ශීතකරණය කැඩිල හින්ද මේක නරක් වෙන්න එපැයි.
හොදම කතාව ඒක නෙවෙයි මේ අපේ ස්පාර්මාත් කිරි පෙරේතයෙක්. අපේ ඩීකන්ට ස්පාර්මාගෙ කුණු බෑග් එක අවුස්සද්දි කිරි බෝතලයක් හම්බෙනව.

03.ඩීකන් ශීතකරණ හදන්න ආපු කඩේදි දකින කම්බි රෝල.

ඩීකන් ශීතකරණ හදන්න සේවයෙක් එවපු කඩේට යනව.එතකොට ඩීකන් එතනදි කම්බි රෝලක් දකිනව. ඒත් කොහොමද මේක ඝාතනයට සම්බන්ධ වෙන්නෙ නේද?
දැන් ඔය කම්බි තව තැනක දැකල නැද්ද? මතක නැත්තම් මං මතක් කරන්නම්කො. මේ මියගිය ගැහැණු කෙනාගෙ අත් දෙක ගැටගහල තියෙන්නෙ මේ කම්බිවලින්මයි.

04.ස්පාර්මාගේ ගෙදරින් හොයාගත්තු දේවල්,

රෑක ඩීකන් මේ ස්පාර්මා ඉන්න ගෙදරට කඩාවදිනව.ඉතින් අවුස්සල බලද්දි ඩීකන්ට ගොඩක් දේවල් හම්බෙනව,ඒව තමයි,

• බුෂ්ක් බියර් කෑන්
• තුඩ කැඩිච්ච පිහියක්
• ප්‍රවීණ මිනීමරුවන් ගැන කියවෙන පොත් පත්
• වීඩියෝ පට
• මිනී මැරුම් සම්බන්ධ පුවත්පත් වාර්තා

මං දැන් මේ එක එකක් ගැන වෙන වෙනම පැහැදිලි කරන්නම්.

මුකින්ම බුෂ්ක් බියර්. මේ බියර් කෑන් මියගිය කෙනාගෙ ගෙදර තිබිලත් හොයාගත්ත

තුඩ කැඩිච්ච පිහිය, මියගිය කෙනාගෙ ඇග හිල් වෙන්න ඇනල තමයි මරල තියෙන්නෙ.ඉතින් එල්ල කරපු පහරකට පිහියෙ උඩ කොටස කැඩිල ගියා කියල නැත්තම් නැවිල කියල හරි අපිට හිතන්න පුලුවන්.

ප්‍රවීණ මිනීමරුවන් ගැන පොත්,. ඉතින් මේවයි මිනී මරන ආකාරය එහෙම දැනගන්නව කියල අපිට හිතන්න පුලුවන්.

වීඩියෝ පට, එක තැනකදි අපි දකිනව ස්පාර්මා ගණිකාවො එක්ක තව Strip Club (කාන්තාවක් නිරුවත් රංගනයෙ යෙදෙන සමාජ ශාලා) වැනි ස්ථානවල ඉන්නව. තව අපිට එක තැනකදි අහන්න ලැබෙන දෙයක් තමයි ඝාතකයාට ලිංගික අසහනය තියෙනව කියලත්. ඒ වගේම මැරුනයින් පස්සෙ කන්න දෙනව, කකුල් වල මයිල් කපනව වගේ කරල පොඩි ලිංගික ආස්වාදයක් මේ ඝාතකය අරන් තියෙනව. ඉතින් ඒ වගේ හාදයෙක් ඔය වැඩ රෙකෝඩ් කරල තියාගනියි කියල හිතුවට වැරැද්දක් නෑනෙ.😁

05.ස්පාර්මා නගරයෙ නොසිටි දවස්වල ඝාතන සිදු නොවීම.

ස්පාර්මා ඩිට්‍රොයිට් වලට ගිහින් තියෙනව ටික කාලෙකට එතකොට මේ නගරයෙ සිද්ද වෙච්ච ඝාතන ඉතා අවම වෙලා කියන්නෙ වෙලාම නෑ. ඉතින් ඒකෙ අපේ සැකේ තවත් වැඩි වෙනව.

06.මියගිය අයට දීපු ආහාර හා ඇගේ තිබූ දේවල්.

මේ මියගිය එක්කෙනෙක් අරන් තිබ්බ අවසන් කෑම වේල තමයි Roast Beef එහෙමත් නැත්තම් බැදපු හරක් මස්. හොදම කතාව තමයි මේ මියගිය කෙනා Vegetarian. ඒ කියන්නෙ මස්, මාළු, බිත්තර කන්නෙ නෑ කියන එක. ඉතින් කොහොමද මෙයාගෙ බඩේ මස් තියෙන්නෙ. ඔව්, ඝාතකයා කන්න දීපුව තමා. බඩටම ඔබල. අමුතුම අසහනකාරයෙක්. ඒත් මං ඇයි ස්පාර්මාව සැක කරන්නෙ? පහළ ඡායාරූපය දැක්කම මං එහෙම හිතන්නෙ ඇයි කියල ඔයාලට තේරෙයි.
ඊළඟට මේ මැරිච්ච අයගෙ මූණෙ දත් පාරවල් තිබිල තියෙනව. ඒත් ඒවා සාමාන්‍ය මිනිස් දත් නෙවෙයි. ඒ කියන්නෙ ස්වාභාවික නෑ කියන එක. මං මොකක්ද කියන්නෙ කියල ඔයාලම බලන්නකෝ.
හරි දැක්කනෙ. හොදම කතාව තමයි ස්පාර්මාගෙ ගෙදර අවුස්සන වෙලේ ප්ලාස්ටික් දතක් තියෙනව ගෙදර. ආ ඒකත් එහෙනම් පැහැදිලි ඇති මං මොකක්ද කියන්නෙ කියල.

06.ස්පාර්මා අධික ලිංගික අසහනයකින් පෙළෙන කෙනෙක්.

මේක මං කියන්නෙ පොලිසියෙ ප්‍රශ්න කර කර ඉද්දි මැරිච්ච ගැහැණු කෙනෙක්ගෙ නිරුවතක් දැකල එතන හෙන පිස්සුවක් කරනව. එහෙම මැරිච්ච කෙනෙක්ගෙ දැක්කත් ඔහොම වෙනව නම් හිතාගන්න පුලුවන්නෙ ස්පාර්මාගෙ තත්වෙ.

07.මියගිය අයගෙ සිරුරුවල තිබිල හොයාගත්තු සෝඩියම් බෙන්සොඒට්.

සෝඩියම් බෙන්සොඒට් යොදාගන්නෙ ඡායාරූප සුද්ද කරන්න වගේ වැඩවලට. ඉතින් හිතාගන්න බැරිද පෞද්ගලික ඡායාරූප සුද්ද කරන ස්ථානයක් තියෙන්නෙ කාටද කියල? ඔව් ඔව්, ස්පාර්මා ගාව තමා.ඒක ස්පාර්මාගේ ගෙදර අවුස්සද්දි රතු එලියකින් පෙන්නනව.

හරි ඔය සාක්ෂි ගෙනැල්ල පෙන්නුවෙ, ස්පාර්මාව වැරදිකාරය කරන්න.

ඒත් දැන් මං ඔයාලට කියන්නම් ඇයි ස්පාර්මා මිනී මරුවෙක් වෙන්නෙ නැත්තෙ කියල. 😁

පැටලිලි සහගතයි නම් සරලවම කිව්වොත් අපිට සමහර තැන්වලින් ස්පාර්මා වැරදිකාරය නෙවෙයි කියල හිතන්නත් වෙලා තියෙනව.

ඒ කරුණු පොඩ්ඩක් බැලුවොත්,

01.1982 වර්ෂයෙ ඝාතනයක් කලා කියල ස්පාර්මාම ඇවිත් පොලිසියට භාර වීම.

ඇත්තෙන්ම කිව්වොත් ස්පාර්මා මෙහෙම ඇවිත් භාර වෙන්නෙ තවත් මිනී මැරුමක් පොලිසිය හොයාගන්නත් කලින්. ඒත් අන්තිමට බලන් යද්දි ස්පාර්මා කරපු වැරැද්දක් නෙවෙයි ඒක. මොකද ඒකට වෙන 100% ක් වැරදිකාරී වෙන කෙනෙක් හොයාගෙන තිබ්බ නිසා. එහෙනම් ඇයි මේ හාදය පොලීසියට භාර උනේ.

ඔව්, පොලීසියෙ අවධානය අරගන්න සහ පොඩ්ඩක් කැපී පෙනෙන්න ආස වගේම පොඩි මානසික ප්‍රශ්නයක් තියෙන කෙනෙක් විදියටත් අපිට ස්පාර්මාව දකින්න පුලුවන්.

02.අපිට මුලින්ම මිනී මරුවව දැකගන්න පුලුවන්.

මේ මොකක්ද මේ කිව්වෙ.ඔව්, අර චිත්‍රපටය මුලදිම මිනී මරුව කෙල්ලෙක්ගෙ පස්සෙ එනව පෙන්නනව නේද? අන්න එතනදි මිනී මරුවව පෙන්වනව.එතකොට පේන දෙයක් තමයි මිනී මරුවට යටි රැවුලක් නැති එක. පහළ ඡායාරූපයෙන් ඒ දේ බලාගන්න පුලුවන්.
තවත් කිව්වොත් මිනිහා මිනිස්සු මරන්න යොදාගන්න බඩු කට්ටලෙත් පෙන්නනව. එතන ඇත්තෙන්ම පිහියක් පේන්නවත් නෑ. 🤨

අනේ මන්දා නේද?

තව ගත්තොත් ස්පාර්මාගේ කාර් එකත් එක්ක ලගින්වත් තියන්න පුලුවන් කාර් එකක් නෙවෙයි මේ මිනී මරුව ගාව තියෙන්නෙ.
ඉතින් ඔය ටික තමා මං ගාව තියෙන සාක්ෂි.

උඩ ඡායාරූපය දැම්මෙ, ඒකෙ ලොකු අර්ථයක් තියෙන නිසා.මොකද ඒකෙන් කියවෙන්නෙ සාක්ෂි කොච්චර තිබ්බත් ඒවා එක්කාසු කරල අපිට තනි පුද්ගලයෙක් දිහාවට ඇගිල්ල දික් කරන්න බැරි එක.

දැන් ඉතින් ඔයාලට තමා නඩු තීන්දුව දෙන්න තියෙන්නෙ.

ඒ අතරෙ මං තවත් දෙයක් කියන්නම්.

ඒ මොකක් ගැනවත් අහක යන දෙයක් තමනුත් මිනී මරුවෙක් වෙච්ච බැක්ස්ටර්ගෙ හිත හැදෙන්න ඩීකන් කරපු වැඩක් ගැන. ඒ තමයි රොන්ඩා, එහෙමත් නැත්තම් අවසානෙටම අතුරුදන් උනු ගෑණු ලමය. ඇත්තෙන්ම මෙයාට උනේ මොකක්ද කියල චිත්‍රපටයෙ පෙන්නන්නෙ නම් නෑ. එයා මැරුණද මොකක්ද උනේ කියල අපි ඉතින් දන්නෙ නෑ. ඒත් රොන්ඩා හැමදාම දුවන්න යද්දි රතු කොන්ඩා කටුවක් ගහගෙන තමයි යන්නෙ.ඉතින් ඔන්න ඔය නිසා ඩීකන් ස්පාර්මාගේ කාමරේ අස් කරද්දි හම්බු වුනු විදියට කඩෙන් අරන් රතු කොණ්ඩ කට්ටක් අරන් ලියුම් කවරෙක දාල බැක්ස්ටර්ගෙ ගෙදරට යවන්නෙ.
එතකොට බැක්ස්ටර් ඇත්තෙන්ම මේ මිනීමරුවව තමයි මරල තියෙන්නෙ කියල හිත හොදින් ඉන්න බැක්ස්ටර්ට පුලුවන් කියල හිතල තමයි ඩීකන් එහෙම කරන්නෙ.🙂

ඉතින් The Little Things චිත්‍රපටයේ අපිට දකින්න පුලුවන් ඔච්චරයි. ඇත්තෙන්ම මේ චිත්‍රපටයෙ අධ්‍යක්ෂවරයාටත් අවශ්‍ය වෙලා තියෙන්නෙ මේ මිනී මැරුම අපිම විසදගන්න විදියට නිමා කරන්න.

ඉතින් මං දීපු සාක්ෂි එක්ක ඔයාල ස්පාර්මා වැරදි කාරයෙක් කියල තීරණය කලාද? නැත්තම් බැක්ස්ටර් මරල තියෙන්නෙ අහිංසකයෙක්ද? ඔයාලගෙ තීරණය කමෙන්ට් එකක් විදියට දාල තියන්න. 😉

Sources that I used:- The Little Things movie
Think Story yt