WestWorld S02 E02 – පැහැදිලි කිරිම

පුර්ව ප්‍ර‍චාරක පටය ගැන පලවු ලිපියෙදි අනුමාන කලා වගේම ඩොලොරස් සැබෑ ලෝකයට(උද්‍යානයෙන් පිටතට) පැමින තියෙනවා.කතාව ආරම්භ වෙන්නේ ආර්නෝල්ඩ් සහ ෆෝඩ් තමන්ගේ උද්‍යානය ආයෝජකයන්ට හදුන්වා දිමට යන වැඩසහනකින්.එහි ඉදිරිපත් කිරිමට ඩොලොරස් තවම සුදානම් නැති බව ආර්නොල්ඩ් ෆෝඩ්ට පවසනවා.එහිදි ෆෝඩ් එකට ව්‍යංගයෙන් විරුද්දත්යක් පල කරනවා.කලිං කතා සමයේදිත් අපි දැක්කා ආර්නොල්ඩ් ඩොලෝරස් පිලිබද ලොකු අවධානයකින් ඉන්නවා කියලා.

ඉතිං මේ කතාංගයේ Title එක තමයි Reunion.මේ කතාංගය නරඹපු ඔයාට තේරෙන්න ඇති ඩොලොරස්,මේව් වගේම විලියම්(කළු හැදි) පවා කන්ඩායම් හදාගන්න උත්සහා කරනවා.

1.චාර්ලි

නැවතත් වෙනමම කාලරාමුවකට කතාව ගමන් කරනවා.මේ තමයි උද්‍යානය විවෘත කරන්නට කලිං ආයෝජයෙක් සොයාගන්න ෆෝඩ් සහ ආර්නෝල්ඩ් උත්සහ ගත් කාලය.ඒ කියන්නේ ඩෙලෝස් සමාගම තවම මේ උද්‍යානය මිලදී අරගෙන නෑ.ඒක උනේ කොහොමද කියන එක තමයි මේ කතාංගයේදි අපිට දකින්න ලැබෙන්නේ.

පලමු කතා සමයේදි බර්නාඩ් දකිනවා චාර්ලි සමග රෝහලේ ඉන්න දර්ෂනයක්.නමුත් පලමු කතා සමයේදි බෝහෝදුරට එත්තු ගැන්වුනේ එය ෆෝඩ් විසින් සෑදු මතකයක් විදිහටයි.නමුත් මේ කතාසමයේ මේ සිදුවිමෙන් අපිට අනුමාන කරන්න පුළුවන් උද්‍යානයට ආයෝජකයෙක් සොයාගන්නා අවස්ථාවේදි චාර්ලි ජිවතුන් අතර හිටියා කියලා. ඒ වගේමයි චාර්ලි කියන්නේ චාර්ලට් හේල්ටයි කියලත් පොඩි අනුමානයක් තියෙනවා. මොකද දෙන්නගේ රූපයේ තියෙන සමානකම් එක්ක.

2.ඩොලෝරස් සහ වියට්

ඊලග දර්ෂනයේදි අපි දකින්නේ බිම් මහලක තියෙන රොබෝවරුන් අලුත්වැඩියා කිරිමේ මධ්‍යස්ථානයකට ඩොලෝරස් ඇතුලු කන්ඩායම කඩාවදින ආකාරයයි.බෝහෝවිට ඔවුන් ඒ ස්ථානය සොයාගන්නට ඇත්තේ අධ්‍යෂක මන්ඩලයේ සාමාජිකයා ලුහුබැදිමෙන් වෙන්න පුළුවන්.මොකද කලිං කතාංගයේදි ඔහුට බේරිලා යන්න දුන්නනේ.

මේ අනුමානය මීට කලිනුත් කියලා තියෙනවා.ඩෝලෝරස් ඇත්තටම වියට් උනාට ඩොලෝරස්ගේ මතකයන් හා ඒ ස්භාවයන් ඉවත්වෙලා නෑ ඒ වගේමයි ඔවුන්ට ආවේනික වාක්‍ය ඛන්ඩ පවා.මේක මේව්ගේත් දකින්න පුළුවන්.ඒ නිසා කෙනෙකුට අනුමානකලහැකියි තවමත් මේ රොබෝවරුන් ඉන්නේ කාගේ හරි පාලනයකද කියලා.නමුත් අපිට තවම හරියට ඒ ගැන කියන්න බෑ.

3.ARGOS Initiative

ඩෙලොස් සමාගමේ කිරුල හිමි කුමාරයා ව්‍යාපාරික(මිත්‍ර‍) සාකච්චාවක ඉන්න දර්ෂනයක් අපිට බලාගන්න පුළුවන්.මෙතනදි අපිට පොඩි ඉගියක් දෙනවා ඇයි විලියම්ට ඩෙලොස් සමාගමේ බලය හිමිවුනේ කියලා.මොකද ඔහු ලෝගන්ට වඩා ආයතනයේ දියුණුව වෙනුවෙන් කටයුතු කරන බවක් පෙන්න තියෙනවා.

අහලා තියෙනවද Dharma Initiative (ධර්මා ඉන්ෂියේටිව්) ගැන එහෙනම් ඔයා Lost කතාමාලාව බලපු කෙනෙක් බවට කිසිම සැකයක් නෑ.ඒ වගේමයි මේකේ Executive producer කෙනෙක් විදිහට J. J. Abrams වැඩකරනවා.ඉතිං පුදුමයක් නෑ ARGOS Initiative නම ආපු එකට.

දැන් බලමු මොකක්ද මේ ARGOS Initiative කියන්නේ කියලා ඒ තමයි ආර්නෝල්ඩ් සහ ෆෝඩ් විසින් රෝබෝවරුන් සහිත උද්‍යානය නිර්මාන කරන්න ආරම්භ කරපු ආයතනය.එවගේමයි ඩෙලොස් සහ ආර්ගොස් නම් දෙක ශබ්ද කිරිමේදි එක වගේ ස්භාවයක් දැනෙන්න ඇති.ඇත්තටම මේ නම් දෙකම පැරණි ග්‍රීක නම් දෙකක්.තවත් මෙවැනි ග්‍රීක නම් ඉදිරි ලිපි වලදි අරගෙන එන්නම්.

ලෝගන් සහ ආර්ගෝස් ආයතනයේ නියෝජිතයන් දෙදෙනා අතර ඇතිවන සංවාදයේදි ලෝගන් තාක්ෂණික යෙදුම් 3 ගැන සදහන් කරනවා.ඒ ගැන උපසිරසක් තුලදි ලොකු විස්ථරයක් ගෙන එන්න බැරි නිසා මේ ලිපියේදි ඒ ගැන සදහන් කරන්නම්.

•  A.I (artificial intelligence) – මේ ගැන නම් වැඩි විස්ථරයක් ඔනේ නැනේ.ආරම්භයේ ඔය රොබෝවරුන්ටත් තිබුනේ කෘතිම නිර්මානය කල බුද්ධියක් ඔවුන් සවිඥානිකව වර්ධනය(තනිවම තීරන ගතහැකි) උනත් ඔවුන්ට තමන්ගේ කේත පද්දතියෙන් පිටතට යන්න බෑ.
• V.R (virtual reality)- මෙතනදි වෙන්නේ පරිඝනක ඇසුරෙන් නිර්මානය කරන ග්‍රැෆික් පරිසරයක් තුල හැසිරිම තමයි.අපි ක්‍රිඩා කරන open world ගනයේ පරිඝනක ක්‍රිඩා අයත් වෙන්නේ මේ කාන්ඩයටයි.
• A.R(augmented reality)  -මේක වල දියුණු කරන ලද තාක්ෂනයක් වලදි සම්පුරනයෙන්ම පරිඝනක තුල නිර්මානය කල පරිසරයක් උනාට මේ මගින් සැබෑ ලෝකයේ වස්තු සමග පරිඝනක ග්‍රැෆික් සම්බන්ධ කරලා තියෙනවා.උදාහරන ඔනේ නම් Youtube එකේ augmented reality කියලා search කරලා බලන්න.
• startup – මේ කියන්නේ අලුතෙන් ආරම්භ කරන ව්‍යාපාර වගේ දේවල්.ගොඩක් දුරට නව නිපැයුම්කරුවන් සහ පරිඝන කේත්‍රයේ අය අලුතින් පටන්ගන්න ව්‍යාපෘති මේ කාන්ඩයට වැටෙනවා.

ARGOS Initiative හරහා ආපු Angela නම් දන්නවනේ.ඒ වගේමයි  Akecheta වත් මීට කලිං අපිට දැකගන්න ලැබුනා පුර්ව ප්‍ර‍චාරක පටයේදි

4.Beyond Westworld

Westworld(1973) චිත්‍ර‍පටයෙන් පස්සේ Beyond Westworld නමින් රූපවාහිනි කතාමාලාවක් නිර්මානය කරලා තියෙනවා.නමුත් කතාවට ලොකු ජනප්‍රියත්වත්වයක් නොලැබුනු නිසා කොටස් 4කින් එය නවත්තලා.ඒ කොටස් 4 අන්තර්ජාලයේ තියෙනවා කැමතිනම් අරගෙන බලන්න.ඒක බැලුවට පස්සේ ඔයටත් හිතෙයි එක අතරමග නවත්තපු එක සාධාරනයි කියලා.

කොහොම වෙතත් HBO Westworld නිර්මානශිල්පින් Beyond Westworld තුල ඇති සමහර සංකල්ප සහ දර්ෂණ පවා HBO Westworld වෙනුවෙන් යොදාගෙන තියෙනවා.ඉහත රූපය ඒකට හොදම උදාහරනයක්.(රොබෝවරුන් පරික්ෂාවට ගුවන් යානයකින් පැමිනිම)

5.ජෙම්ස් ඩෙලෝස්

මතක ඇති පුර්ව ප්‍ර‍චාරක පටවලදි කිව්වා වගේම මේ රාජධානියේ අධිරජු ඔන්න කලඑලි බැස්සා.නමුත් ඔහු මේ උද්‍යාන ව්‍යාපෘතියට මුදල් ආයෝජනය කරන්න කැමැත්තක් නෑ වගේ.මෙතනත් හරි අපුරු සිදුවිමක් තමයි උනේ.මේ ව්‍යාපෘතියට මුලින්ම කැමති වෙන්නේ ලෝගන් නමුත් මේකට ජේම්ස් ඩෙලොස්ගේ කැමැත්ත ගන්නේ විලියම්.එවගේමයි මේ සිදුවිම වෙන්නේ පලමු කතාසමයේ විලියම් සහ ලෝගන් උද්‍යානයට ගිහිං ආවට පස්සේ. දැනට තියෙන තොරතුරු අනුව අමුත්තන්ගේ පෞද්ගලික තොරතුරු සොරාගෙන තම ව්‍යාපාර ප්‍ර‍වර්ධන වැඩසටහන්වලට යොදාගැනිමේ සැලැස්මේ මහා මොලකරු තමයි විලියම්.

6.මේව් vs ඩොලොරස්

පසුගිය කතාසමයේදි ඩොලොරස් තමයි මෙව්ගේ සවිඥාණිකත්වයත් අවදි කරන්නේ.නමුත් දෙදෙනා මාවත් දෙකක් ඔස්සේ තමයි ගමන් කරන්නේ.ඩොලොරස් සැබෑ ලෝකයට ගිහිං තිබුන නිසා ඇය සිතනවා ඇයට මිනිසුන් පරාජය කල හැකියි කියලා.නමුත් මේව් ඒ මතයට එකග නැති බවක් තමයි පෙනන්න තියෙන්නේ.එ වගේමයි මෙව් මෙහිදි මතුකරන තවත් දෙයක් තියෙනවා.මිනිසුන්ගේ වහල් භාවයයෙන් මිදෙන්න සටන ගෙනියන ඩොලොරස් කරන්නෙත් අනෙක් රොබෝවරුන්ව තමන්ගේ යටතේ තබාගැනිමයි.මේක එදිනදා ජිවිතවලදිත් අත්දකින්න පුළුවන් තත්ත්වයක්.නායකයා බහුතර මතය ලෙස තම පෞද්ගලික මතය හුවා දකිවමින් තම අනුගාමිකයන්ව මෙහෙයවනවා.

7.ජුලියට්

පසුගිය කතාසමය පිලිබද මංසල හරහා ගෙන ආ විවරනයේදි කිව්වා ජුලියට් සිටින ඡායාරූපය අන්තර්ජාලයේ ඇති stock photo එකක් බව.එවගේම කිව්වා මතක ඇති ඒක stock photo එකක් උනත් කතාවට යොදාගෙන ඇත්තේ යම්කිසි සැලසුමකට අනුව කියලා ඔන්න ඒ අනුමානය තහවුරු වන අවස්ථාවක් තමයි මේ. ඡායාරූපයේ පෙනි සිටින Claire Unabiaට  සැබෑවටම Westworld කතාවේ ජුලියට්ගේ භූමිකාව නිරුපනය කරන්න අවස්ලැථාවක් ලැබුනා.

ඒ වගේමයි තවත් විශේෂත්වක් තියෙනවා මේ stock photo එක ලබාගත්තු කැමරා ශිල්පියාගේ නම Erik Weber අහලා පුරුදුද. ඇයි ආර්නොල්ඩ්ගේ නමත් arnold Weber !

8.Valley Beyond / Glory

මේක තමයි මේ කතාංගයේ අපට ලැබෙන මුල්ම ප්‍ර‍ධාන අභිරහස. මේ ස්ථාන නමක් උනත් අන්තර්ජාලයේ පලවෙන සමහර අනාවැකි වලට අනුව මේ නමේන් කියවෙන්නේ ඩොලොරස් ඇතුලු රොබෝවරුන්ට ලැබුනු නිදහස ගැනයි.ඩොලොරස් වගේම මහළු විලියම් ගමන් කරන්නේ මේ  Valley Beyond වෙතයි. වගේමයි උද්‍යානයේ සෑම කතාවක්ම මේ Valley Beyond සම්බන්ධ කරගෙනයි ගොඩනැගිලා තියෙන්නේ.කතාංගය අවසානයේදි ඩොලොරස් කියනවා මේක අවියක් සහ ඒක ඇයට පෙන්වන්න තරම් “පැරණි මිතුරෙක්“ මෝඩ උනා කියලා .මහළු විලියම් ලෝරන්ස්ට කියනවා තමන්ගෙන් අත්වැරැද්දක් වුනු බවට.සමහර විට ඩොලරස් මේ කියන පැරණි මිතුරා විලියම් වෙන්න පුළුවන්.නැතිනම් ආර්නෝල්ඩ් හෝ ෆෝඩ් වෙන්න ඔනේ.මේක අවියක් කියලා කිව්වට තවම ඒක පිලිගන්න ලොකු සාක්ෂියක් නෑ.සමහරවිට පිටත ලෝකයට යන මාර්ගයක් වෙනත් පුළුවන්.

9.ෆෝඩ්ගේ සෙල්ලම

උද්‍යානය අයිති විලියම්ට උනාට ෆෝඩ්ගේ සෙල්ලම ලේසියෙන් දිනන්න බෑ වගේ.