WestWorld S03 E06 – පැහැදිලි කිරිම

6 වැනි කොටසේ පැහැදිලි කිරිම අපි මෙතැන් සිට පටන් ගමු

1.Decoherence

මේ වචනය හැදෙන්නේ ක්වන්ටම් භෞතිකයේ තියෙන coherence කියන වචනයේ විරුද්ධාර්ථය ලෙසයි. coherence කියන්නේ සරලව ගත්තොත් යම් කිසි පද්දතිය තියෙන අභ්‍යන්තර සම්බන්ධය වගේ දෙයක්. Decoherence කියන්නේ ඒ සම්බන්ධය බිදවැටිමෙන් ඇතිවන අසංතුලිත බවයි. මේක බෝහෝවිට අර්ථ ගන්වන්නේ චාලට් ඩොලොරස්ගෙන් වෙන් විමයි.

2.මෙව්ගේ සැලසුම

ආරම්භයේදිම දකින්න ලැබෙන්නේ මෙව් සහ ඇයගේ දියණිය රොබෝවරුන් වෙනුවෙන්ම සැකසු ලෝකයේ ඉන්නවා. නමුත් ඒ මොහොතේම මේවට අවබෝධ වෙනවා මේක සෙරැක් විසින් නිර්මානය කල තවත් පරිඝනක ලෝකයක් කියලා. ඒ මොහොතේම සෙරැක් ඇය හමුවට ඇවිත් කියනවා නැවත වරක් ඇය අසාර්ථ උනොත් ඇයට අපායක දිවිගෙවන්න වන බව. ඇය මෙහෙදි සෙරැක්ගෙන් ඉල්ලනවා ඩොලොරස්ට වැනිම ඇයටත් පිරිසක් අවශ්‍ය බව. සෙරැක් රියෝබෝම්හි ප්‍ර‍ක්ෂේපමයක් පමනක්ද කියන ගැටලුවත් එනවා. මොකද මේ වගේ පරිඝනක ලෝකයකට සාමාන්‍ය මනුස්සයකුට එන්න බැරි නිසා.

පසුව අපිට දකින්න ලැබෙනවා හෙක්ටර් පැමින ඇති බව. ඒ වගේම තවත් රොබෝවරුන් දෙදෙනක් ඉන්නවා. ඉන් එක්කෙන්ක් ක්ලෙමන්ටයින් බව ඇයගේ හැදුනුම් අංකයෙන් පෙන්වා. අනෙක් කෙනා ආමස්ටි හෝ ඇයගේ සමාන්තර සමුරායි චරිතය වන හනාර්යෝ වෙන්න පුළුවන්. නමුත් චාලට් විසින් හෙක්ටර්ගේ පාලක පද්දතිය විනාශ කරනවා. එ නිසා හෙක්ටර්ගේ මිය යාම විදිහට මේක හදුන්වන්න පුළුවන්.

3.විලියම් ස්වයං පරික්ෂාවට

අපි දකිනවා විලියම් සාමුහික සාකච්චා ප්‍ර‍තිකාරයකට සම්න්ධ වෙනවා. එහිදි ඔහු කියනවා දෙවියන් කියා කිසිවෙක් නොමැති බවත් මිනිසුන් වන අපි මේ ලෝකයේ සාරය උරාබොන පරපෝෂිතයන් කන්ඩායමක් බවත්.

ඉන්පසුව ඔහුව වෛද්‍යවරිය විසින් පෞද්ගලික පරික්ෂාවකට ලක් කරනවා. ඒ සමගම ඇයටත්, ඇයගේ රියෝබෝම්හි ජිව දත්ත සටහන ලැබෙනවා. ඒකට අනුව ඇය රෝගින් සමග සම්බන්ධතා පවත්වාගෙන නිසා ඉදිරියේදි ඇයගේ වෛද්‍ය බලපත්‍ර‍ය අවලංගුවිම සහ දික්කසාද විම සිදුවෙනවා බව කියවෙනවා. මේ සමගම ඇයගේ ස්වාමියා දරුවන් ඇයගෙන් ඉවතට ගෙනියන බව සදහන් කරනවා. ඉන්පසුව ඇය සියදිවි නසාගන්නවා. මනෝවෛද්‍යවරියක් උනත් අවසානයේ ඇයත් මානසික පිඩනයට ලක්වෙනවා.

විලියම්ව මානසික රෝහලට ඇතුල් කලාට පස්සේ ඔහුගෙන් රුධිර සම්පලයක් ගන්නවා. මෙතනදි ඒ රුධිරයේ තිබුනු හදුනානොගත් ප්‍රෝටිනයක් පද්දතිය තුලට පිවිසිලා මෙක්සිකෝවේ යම් ස්ථානයක් පිලිබද සොයනව. මේ ප්‍රෝටින තමයි චාලට් විසින් විලියම්ව රෝහලට රැගෙන යද්දි එන්නත් කරන්නේ.

විලියම්ට AR ප්‍ර‍තිකාරය දෙනවා. මෙමගින් පරිඝනකයෙන් තනනලද ලෝකයක රෝගියාව තබනවා. මුලින්ම විලියම්ගේ මේ ප්‍ර‍තිකාර ආරම්භකරන්නේ ඔහුගේ කුඩකල කාමරයෙන්. කුඩා විලියම් යම් පොතක් කියවමින් ඉන්නවා. අන්තර්ජාලයේ පලවන තොරතුරු අනුව මෙවැනි පොතක් සැබැ ලෙසම නෑ. මේක කතාංගය වෙනුවෙන්ම නිර්මානය කල එකක්. ඒකට හේතුව විදිහට අපිට හිතන්න පුළුවන් වෙන්නේ විලියම් ගොඩක් දේවල් තමන්ගේ හිතින් බොරුවට මවාගෙන ජිවත්විම සංකේතවත් කිරිම කියලයි. ඉන්පසුව ඔහු ඒ ප්‍ර‍තිකාරය ප්‍ර‍තිශේප කරද්දි ඔහුව නැවතත් කුටියට ගෙනියනවා. ඉන්පසුව ඔහුව නැවත අවදි කිරිමට අපි කලිං දැකලපු කෙනෙක් එනවා. මේ තමයි දෙවන කතා සමයේ සිටි මේජර් කැඩොක්. ඔහුව විලියම් විසින් ඝාතනය කලා. කොහාම වෙතත් ඔහු කොහොමද මෙතනට ආවේ කියන එකට පිලිතුර ඊලග මොහොතේදි අපිට ලැබෙනවා. ඒ නැවතත් විලියම් කන්ඩායම් සාකච්චා ප්‍ර‍තිකාරයකට යොමු කරද්දි. මෙහිදි ඔහුසමග සිටින්නේ ඔහුගේ ජිවිතයේ විවිධ කාල පරිචේදවල සිටි ඔහුගේම අවස්ථායි. මෙතනදි අපිට පැහැදිලි වෙනවා තවමත් විලියම් සිටින්නේ AR ප්‍ර‍තිකාරයේ බව. අවසානයේදි ඔහු තමන්ගේ සැබෑ අරමුණ ඔහු තේරුම් ගන්නවා.

4.චාලට්ගේ වෙන්ම යාම

සෙරැක් ඩෙලොස් ආයතනය අත්පත් කරගන්නවා. එවගේම චාලට්ගේ සැබැ අනන්‍යතාවයත් සෙරැක් හෙලිකරගන්නවා. ඒ සැබැ චාලට්වත් තමන්ගේ දරුවා පිලිබද නැති අවධානයක් අලුත් චාලට්ට තිබිම නිසා. කොහොම වෙතත් ඇය මෙහෙදි ඩොලොරස්ටත් එරෙහිව යන්න උත්සහ කරනවා. නමුත් ඒ මොහොතේම ඇය එය සගවන්න සුක්ෂම උනත් ඇයට තමන්ගේ පවුලේ අයව බේරගන්න ලැබෙන්නේ නෑ. ඒ අවසානයේදි ඇය පවුලේ අය සමග සැගවෙන්නට යන ගමනේදි එල්ලවෙන ප්‍ර‍හාරය නිසයි. මේ ප්‍ර‍හාරය එල්ල කලේ සෙරැක්ද එහෙමත් නැතිනම් ඩොලොරස්ද යන්න පැහැදිලි නැ.

හරි එහෙනම් 7 වැනි කොටසේ පැහැදිලි කිරිමෙන් හමුවෙමු

අන්තර්ජාලය ඇසුරෙනි