WestWorld S03 E01 – පැහැදිලි කිරිම

වෙනදට නොලැබෙන විදිහේ නිවාඩුවක් ලැබුනට මොකද මේ ලිපිය ලියන්න සැහෙන ප්‍ර‍මාදයක් උනා.

අපි කලිං අනුමාන කලා මේ කතාසමයේදි time jumps අඩුවෙයි කියලා. ඔන්න ඒ අනුමානය සාර්ථක බව මේ කතාංගය බැලුවාම ඔබට පැහැදිලි වෙනවා ඇති. මේ කතාංගය තුල පැටලැවිලි අඩු එවගේම රේඛිය ලගා යෑමක් තමයි තිබුනේ.

ඉතිං තව කතා මොකටද පටන් ගමු අපේ වැඩේ.

1.Parce Domine

අපි මුලින්ම බලමු මේ කතංගයේ Title එක ගැන.Parce Domine කියන්නේ කතෝලික කෙටි ගීතිකාවක්. මේ ගිතිකාවේ සරල තේරුම ගත්තොත් “දෙවියනි අප හට කොට අප ආරක්ෂා කල මැන“  වගේ අදහසක් තමයි තියෙන්නේ.එ වගේමයි මේ කතාංගය තුලදි අවස්ථා කිහිපයකදිම දෙවියන් පිලිබද සදහන් වෙනවා.

2.මාවත් දෙකක්, එකම අවසානයක්

මේ කොටසේ ආරම්භයේදි අපි දකිනවා චාර්ලට් විසින් ආර්නොල්ඩ්ගේ නිවසේ ඇති ත්‍රිමාන මුද්‍ර‍න යන්ත්‍රයෙන් ඩොලොරස්ව සහ බර්නාඩ්ව නිර්මානය කරනවා. එවගේම බර්නාඩ්ට පිටව යන්නට අවස්ථාවත් දෙනවා. මේක ඩොරස්ගේ සුක්ෂම සැලසුමේ තවත් එක් කොටසක් බව කතාංගය තුලදි අපිට දැනගන්න ලැබෙනවා.ඇය සහ චාලට් බර්නාඩ් යනු මනුෂයෙක් බවට ලොවට හගවනවා.

3.ජෙරාල්ඩ් / ජෙරි

ඉන්පසු දර්ෂණයේදි අපි දකින්නේ වෙරලක් අසල ඇති අතිසුබෝපභෝගි නිවස්නයක් සහ කෝපයෙන් තම ආයතනික සේවකයන්ට බැන වදින පුද්ගලයෙක්. ඔහු තමයි ජෙරාල්ඩ් නොහොත් ජෙරි. මොහු පිලිබද වැඩි විස්ථරක් අන්තර්ජාලයෙත් නොමැති උනත් මොහු අපි කලිං ලිපියෙදි කතා කල Incite Inc ආයතනයේ ඉහල නිලයක් දරන්නෙක් බව නම් පැහැදිලියි. ඒ වගේම ඔහු යම් විදිහකින් ඩෙලොස් සමාගමටත් සම්බන්ධකමක් තියෙනවා.සමහර විට ඩෙලොස් සමාගමේ කොටස් හිමියෙක් වෙන්න පුළුවන්. 

කොහොමහරි ඩොලොරස් ඔහුගේ ආරක්ෂක පද්තිය අකර්මන්‍ය කරලා නිවසේ කාබන්ඩයිඔක්සයිඩ් ප්‍ර‍මානය වැඩි කරනවා.මේ නිසා ඔහුගේ බිරිද සිටින්නේ සිහිවිසඥවයි.නමුත් ඔහුට වෙනම ඔක්සිජන් සැපයුමක් දිලා තියෙන්නේ ඔහුව අවධියෙන් තියන්න. ඉන්පසුව ඩොලොරස් ඔහුට පෙන්වනවා ඔහුගේම මතකයන්.මේ තොරතුරු ඇය අරගෙන තියෙන්නේ ඔහු විවහා විමට පෙර උද්‍යානයට පැමිනි අවස්ථාවකයි.කලිං ලිපියෙදි සදහන් කලා මතක ඇති සෑම අමුත්තෙකුගෙම මතකයන් හා රැචි අරුචිකම් උද්‍යානයේ වෙනම ගබඩාවක තැම්පත් වෙනවා කියලා.

නමුත් තමන්ගේ මතකයන් ඩෙලොස් සමාගම හොරෙන් පිටපත් කරගත් බවක් ජෙරි දැනගන්නේ ඒ මොහොතයි.ඒ සමග අපිව පෙන්වනවා ඔහුගේ ජිවිතේ ලොකුම රහස පිලිබද. ඒ ඔහුගේ අඩන්තේට්ටම් නිසා බිරිද නානතටාකයේ ඔලුව වැදිලා මියයනවා. ඔහු ඒ මරණය ලෝකයෙන් වසන් කරන්න ඔහු අධික මුදලක් වියදම් කරනවා ඉන්පසුව තවත් කාන්තාවක් හා විවහා වෙනවා.හැබැයි කලිං ස්භාවය වෙනස් වෙලා නෑ. ඩොලොරස් ඔහුගේ මුදල් බොහොමයක් මංකොල්ලකනවා. ඒ වගේම ඔහු  Incite Inc ආයතනයේ භාවිත කල අතිශය රහස්‍ය ලිපිගොනු කිහිපයකුත් ඔහුගෙන් ලබාගන්වා. අපිට ඉදිරියේදි දැනගන්න ලැබෙයි මේ ලිපි ගොනුවල තිබුන දේවල්.

4.නමාවලිය

ඊට පසුව අපි දකින්නේ මේ 3 වැනි සීසන් එකේ නාමාවලියයි. කලිං සීසන් දෙකෙහි නාමාවලි දර්ශන වලට අමතරව තවත් අලුත් දර්ශන වගයක් ඇතුලත් කර තිබෙනවා.එවා ගැන වෙනවෙනම කතා නොකලත් ප්‍ර‍ධාන වශයෙන් Rehoboam(පහල විස්ථර තියෙනවා) ගැනත් ඩොලොරස්ගේ මුලික අරමුණ වුනු ආක්‍ර‍මණයත් මෙහි ඇතුලත් වෙනවා. හැබැයි මේ ආක්‍ර‍මණය අසාර්ථක වෙනවා කියලා වගේ ඉගියක් ඒ දර්ෂණ ඇතුලේ තියෙනවා කියලයි සමහර reddit පරිශිලකයන් නම් කියන්නේ.

5.කේලබ්

කේලබ් නින්දෙන් අවදිවන දර්ෂණය වෙස්ට්වර්ඩ් බලපු කෙනෙක්ට නම් කලිං දැකලා පුරුදු ඇති.ඔව් ඩොලොරස් අවදිවන දර්ෂණය හා සමනයි නේද.මේ සමානකම ගනත් අනුමානයක් තියෙනවා.ඒ තමයි කේලබ් ඇතුලු අනෙකුත් මිනිසුන් සිටින්නේත් වෙස්ට්වර්ඩ් වගේම පරිඝනකවලින් නිර්මානය කල ලෝකයක(simulation) කියලා.

කේලබ් කියන්නේ කලිං හමුදාවේ සේවය කරපු කෙනෙක්.රහසිගත මෙහෙයුමකදි තමංගේ සටන් සගයා වුනු ෆැන්සිස් මියයනවා.ඒ වගේමයි කේලබ්ගේ මවට යම් ඩිස්ලේෂියා වර්ගයේ රෝගි තත්ත්වයක් තියෙන බව පේනවා.ඒකනේ ඇයට තමන්ගේ පුතාව අදුරුගන්න බැරි උනේ. ඉතිං මේ කාරනවා නිසා සිත් තැවුලට පත්වෙන කේලෙබ්ට වෛද්‍ය ප්‍ර‍තිකාර විදිහට ලබාදෙන්නේ ෆැන්සිස්ගේ කටහඩ සහ මතකයන් සහිත කෘතිමබුද්ධි වැටසටහනක්.අපි මේ කතාංගයේදි දකිනේ ෆැන්සිස් විදහට කේලබ්ට දුරකථනයෙන් කතා කරන්නේ මේ පරිඝනක වැඩසටහනයි.

තව අපිට දකින්න ලැබුනා RICO නම් ජංගම දුරකථන ඇප් එකක් කේලබ් භාවිත කරනවා.

මේක ගැනත් පොඩි විස්තරයක් කියන්න ඔනේ මේක අපි වර්ථමානයේ භාවිත කරන food delivary 

App එකක වගමෙයි. වෙනසකට තියෙන්නේ මේකේ සම්බන්ධිකරන කරන්නේ අපරාධ.එවගේම මේකේ කොටස් අපරාධ වර්ග දෙකක් තියෙනවා,

     1.පුද්ගල පැහැරගැනිම්,ඝාතන වගේ දේවල්( personal)

     2.සොරකම් සහ නිතීවිරෝධි භාන්ඩ ප්‍ර‍වාහනය

ඒ වගේමයි ඒ වනවිට ඒ කලාපයේ පවතින පරිපාලන ක්‍ර‍මය ගැනත් කේලෙබ් සදහන් කරනවා.ඔහු කියන විදිහට Rehoboam පරිඝනකය ඇසුරෙන් මිනිස්සුන්ගේ දක්ෂතා මත ඔවුන්ට වඩාත් සුදුසුම රැකියාව තමයි තෝරලා දෙන්නේ.කේලබ්ට අනුව නම් ඒක එච්චර සාර්ථක ක්‍ර‍මයක් නෙවයෙි වගේ.

මොකද ඔහු සෑම සම්මුඛ පරික්ෂනයකින්ම අසමත් වෙන නිසා.නමුත් අපි දන්නවා පිටත ලෝකයේදි සෑම දෙයක්ම පාලන කරන්නේ Rehoboam නම් ඔහු හා ඩොලොරස් හමුවිමත් අහඹුවක් වෙන්න බෑ

ඉතිං Rehoboam එක කේලබ්ව වෙනත් රැකියාවකට යොමු නොකලේ සමහරවිට ඔහුට අනාගතයේ විශේෂ රාජකාරියක් පවරන්න නිසා වෙන්නත් පුළුවන්.

පලමු කතාසමයේ 3 වැනි කොටසේදි විලියම්ගේ දෑතට මතට ඩොලොරස් වැටෙන ආකාරයටමයි මෙහිදිත් කේලබ්ගේ දෑත මතට ඩොලොරස් වැටෙන්නේ. එතකොට හිතාගන්න පුළුවන්නේ මේක කෙලවර වෙන්නනේ කොහොමද කියලා.

6.රියොහෝබෝම්

මේ තමයි අපි කලිං සදහන් කරපු පරිඝනකය.මේ පද්දතිය අයිති Incite Inc ආයතනයටයි.මේ පරිඝනක පද්දතියෙන් කරන්නේ දත්ත එක්රැස් කර විශ්ලේෂනය මගින් වඩාත් ඵලදායි ක්‍රියාමාර්ගය / ක්‍ර‍මවිදි ලබාදිමයි. මෙවැනි පරිඝනක පද්දති වර්ථමානයේදිත් භාවිත වෙනවා සමහරවිට ඔබ අසා ඇති.මරණීය රෝග සහිත රෝගින්ට අවශ්‍ය ප්‍ර‍තිකාරය කල යුතු ප්‍ර‍මාණය,ප්‍ර‍තිකාර වර්ගය, රෝගියාගේ ආයු අපේක්ෂාව වැනි දෑ ගනනය කරනවා. කොහොම වෙතත් ඩොලෝරස්ගේ අරමුණ වෙන්නේ මේ පද්දතියට ඇතුල්වෙලා මිනිසුන්ගේ පාලනය අතට ගැනිමයි. නමුත් ඒක ඇයට ලෙහෙසි වෙන එකක් නෑ මොකද ඇය එහෙම කරන උත්සහයක් පවා මේ පද්දතිය කලිං හදුනාගන්නවා වෙන්න පුළුවන්. හැබැයි එහෙම නොවෙන්නත් ඉඩක් තියනවා මොකද ඩොලොරස් කියන්නේ මනුෂයෙක් නොවන නිසා ඇය ගැන දත්ත පද්දතියේ නැතිවෙන්නත් පුළුවන්.

රියෝහෝබෝම් කියන නමින් ක්‍රිස්තු පුර්ව 915 දි පමණ රජ කෙනෙක් වර්ථමාන ඊශ්‍රායලට අයත් ප්‍රදේශය පාලන කරලා තියෙනවා.ඔහුගේ පියාගේ නම තමයි සොලමන්.මේ කතාවෙදිත් රිහෝබෝම් වලට කලිං සොලමන් නමින් පද්දතියක් තිබිලා තියෙනවා. ඒ අනුව අපිට හිතන්න පුළුවන් රිහෝබෝම් කියන්නේ සොලමන් කියන පද්දතියේ දරුවා එහෙමත් නැතිනම් දෙවන සංස්කරනය කියලා.

7.චාලට්ගේ සැලසුම

අපි දැනට දන්නවා මේ ඉන්නේ ඇත්ත චාලට් හේල් නොවන වග.මේ චාලට්ගේ රූපය ඇතුලේ ඉන්නේ ඩොලොරස්ද එහෙමත් නැතිනම් වෙනත් රොබෝවරයෙක්ද කියන්නේ තාම හරියටම තොරතුරු නැ. 

ඩෙලොස් ව්‍යසනය සිදුවෙලා මාස 3 ගෙවිගිහං.

නමුත් ඇයගේ සැලසුම පැහැදිලියි.ඇය උත්සහ කරන්නේ ඩෙලාස් සමාගම විසින් දැනට මහජනයා වෙත නිකුත් කරලා තියෙන කොටස් මිලදි ගෙන සීමිත හවුල්කරුවන් කිහිපදෙනෙක් යටතේ පෞද්ගලික ආයතනයක් ලෙස ඉදිරියට ගෙන යන්නයි. මොකද මෙහි කොටස් මහජනයා අතර තිබ්බොත් ඇයගේ සැලසුම් ක්‍රියාත්මක කරන්න ඉන් බහුතරයක් වු කොටස් හිමියන්ගේ කැමැත්ත අවශ්‍ය වෙනවා.ඉතිං කවුරුවත් උද්‍යාන නැවත විවෘත කරන්න කොහොමවත් කැමති නොවන නිසයි ඇය මෙහෙ ක්‍ර‍මයකට යන්නේ. 

එහිදි අපි දකිනවා එක් අධ්‍යකෂ සාමාජිකයෙක්ගේ කැමැත්ත අත්‍යාව්‍ය බව පවසනවා.මේ සමාජිකයා තමන්ගේ තිරන ගැනිම පරිඝනකයකට පවරලා අවසන් කියනවා. බොහෝවිට මේ ආසනය අයිති විලියම්ට වෙන්න පුළුවන්.

8.බර්නාඩ්ගේ ඉරණම

චාලට් විසින් උද්‍යානයේ සිදුවු ව්‍යසනයට සම්පුරන වගකිවයුත්තා ලෙස බර්නාඩ්ව නම් කරලා ඉවරයි.ඔහු කෘතිම මස් නිශ්පාදනාගාරයක සේවය කරනවා අපිට පෙන්වනවා. ඒ වගේම ඔහුට ද්විත්ව පෞර්ෂයක් ඇති බව පෙන්වනවා. මින් සාමාන්‍ය ස්භාවය බර්නාඩ් වෙන්න පුළුවන් අනෙක් ස්භාවය ෆෝඩ් විසින් කලිං මෙහෙයපු ස්භාවය වෙන්න පුළුවන්.

කෙසේ හෝ ඔහු ක්‍ර‍මයක් සකසා ගෙන තිබෙනවා මේ චරිත අතර හෝමාරුවන්නට.

එවගේමයි මෙහි බර්නාඩ් ව්‍යාජ නමකින් පෙනි සිටිනවා.ඒ නම තමයි Armand Delgado. මෙහි අකුරු මාරු කරාම අපිට ලැබෙන්නේ Damage Arnold කියලයි. ඒ කියන්නේ බිදුනු ආර්නොල්ඩ් කියන අර්ථයයි.කෙසේ වෙතත් ඔහු නැවත වෙස්ට් වර්ඩ් වෙත යනවා. එවගේමයි මේ උද්‍යාන පවතින්නේ දකුණු චින මුහුදේ බව දැන් පැහැදිලියි. ඔහු බොහෝවිට යන්නේ මේව්ගේ සහය ලබාගන්න වෙන්න පුළුවන්.

9.Post Credit දර්ෂණය

මෙහෙදි අපි දකිනවා මේව් නැවතත් අවදි වෙන ආකාරයක්. හැබැයි ඇය ඉන්නේ අපි මින් පෙර නොදුටු උද්‍යානයකයි. මේක දෙවන ලෝක යුද්ධය හා සම්බන්ධ උද්‍යානයක් වගෙයි පෙන්නේ. නමුත් ඇය රොබෝවරියක් ලෙස ඒ උද්‍යානයෙත් ක්‍රියාත්මකව ඉදලා එකවර තමයි අවදි වෙන්නේ. 

තව විස්තර නම් බොහොමයි නමුත් කාලවේලාව මදි ඒ නිසා මේ කොටස මෙතනින් අවසන් කරනවා. ඔයාලගේ අදහසුත් පහලින් කමෙන්ට් කරගෙන යන්න.

මුලාශ්‍ර‍ය – අන්තර්ජාලය ඇසුරෙනි